BTemplates.com

Powered by Blogger.

Followers

Search This Blog

Follow by Email

Facebook

Please like in Facebook Page

Pages

BB

Thursday, May 28, 2020

आधा बसन्तको प्रेम



हरेकदिन हररात तिमीसँगै सुस्ताउँछ यो मन । चिसो चिसो सिरेटोहरूमा पनि तिम्रो मायाको न्यायोपनले त्यसै रंगिन बनाउछ योतन ।एक्लै थिए यात्रामा लाग्थ्यो जीवन त्यसैगरि बिताइदिउँला । तर जिन्दगीको लगभग आधा बसन्तमा हिड्दै गर्दा अचानाक पाएको तिम्रो साथले नयाँ सुवास छर्न थाल्यो । नयाँ संसारमा म तिमीसित नाच्दै सपनाको संसारमा सयर गर्न थाले । मेरो खुशिको पलहरू असिमित रूपमा आकाशिरहेको छ ।यो यात्रा सँधै यस्तै
Golden Gate SF
रमाईलो बनोस् तिमीसितको साथ सँधै त्यस्तै मिठो बनोस् यही पुकार छ भगवानसँग । भौतिक दुरि जति टाढा भएपनि तिमी मेरो मनमा कति नजिक छौ हरेकपल अनि हरेक क्षण तिमी मेरो मन अनि मस्तिष्कमा छाईरहेकै हुन्छौ । यो जीवनमामात्र होईन हजार जुनिसम्मपनि तिम्रैनम्ति बाँचुला  यस्तै यस्तै सपना छ मेरो । नयाँ नयाँ पिरतिको गीतहरू साथसाथमा गाँउला अनि तिमीलाई सम्झदै सुस्तरी मुस्काइरहुँला अनन्तसम्मका लागि।

त्यो कल्पनाको रानी महल अनि त्यही सिंहासनको तिमी राजा अनि म रानी भएको त्यो पल । हाम्रो त्यो प्रेमिल रातहरू अनि हामी दुइको मिठा मिठा बातहरू । तिनै यादहरूले जीवनमा सँधै उर्जा दिइरहन्छन्। तिनै अनवरत सम्झनाहरूले सँधै जीवन बाँच्ने हौसला दिइरहन्न्छ ।जिन्दगी बाँच्ने हर योजनाहरूमा हर सपनाहरूमा तिमी नै त छौ। तिमीबिनाका सारा पलहरू भग्नावशेस हुन्, उजाडिलो पखेरू अनि बाटोबिनाको र साथबिनाको एक्लो यात्री जस्तो शुन्य लाग्छ । हामी जति टाढा भएपनि साथमै भएको आभास हुन्छ किनकि किनकि हाम्रो मनहरू सँधै साथसाथमा छन् ।



सपना बुन्नु त्यति सजिलो छैन नत थियो नै। सबैले भन्ने गर्थे १९/२० वर्षको उमेरमा पिरति गास्न नजान्नेहरू जीवनमा सँधै पछि पर्छन् । सायद त्यसैले पो मेरो कथा यस्तै भयो क्यारे । ३० औ बसन्त पार गरेपछिमात्र त्यो जम्काभेट भएको हो हाम्रो । उमेरले कसको प्रेमलाई छेक्न सक्छ न त यसले कसैलाई रोक्न सक्छ । जब म तिम्रो प्रेमको गहिराइमा डुबे तब मलाई वास्तविक जीवन जिउनुभित्रको अनुभुति थाहा भयो । जीवन साँचिकै सुन्दर लाग्न थाल्यो जब म तिमीसँगको साथमा रमाउँछु अनि त्यस्तै रमाईलो लाग्छ हामीले बिताएका ती सारा पलहरू।

कतिपय सपनाहरू अनि कल्पनाहरू वास्तबिक जस्तै लाग्छन् त्यसैले त म त्यही धरातललाई टेकेर आफै फुर्किरहन्छु, आफै नाच्छु अनि असिमित रहरहरूसँगै खुला आकासमा सयर गरिरहन्छु । म कति भाग्यमानि यो यात्रामा तिमी जस्तो प्रेमीको साथ पाउने म आफै आफ्नो भाग्य सम्झेर फुरूङ्ग हुन्छु। भगवानले मलाई ढिलो दियो तर अत्यन्त मुल्यवान र महान साथ दियो ।यसैगरि म तिमीलाई भेट्ने मिठो सपनामा रमाइरहेकी थिए । अचानक कोरोनाको हल्लाहरूले जीवन बचाउन म गाउँ फर्कनु पर्यो ।

इन्टरनेटबिनाको यो गाउ जति सुन्दर भएपनि तिमीबिना म एक्लिरहेकी छु ।त्यसपछिका मेरा सुन्दर सपनाहरू यसरी छताछुल्ल कोर्न मन लाग्यो । अब त्यो सपना साकार होला नहोला भगवानलाई नै थाहा होला । यो जनममा तिमीसँग भेट होला नहोला  त्यो पनि उनै भगवानलाई थाहा होला । तरपनि भोलिको दिन हामीले कल्पना गरेको जस्तै सुन्दर बनोस् । यो खुशि हाम्रो त्यसै नतोडियोस, तिमी जहाँ रहेपनि सुरक्षित रहनु । यो बिशाल मायाको सामु यो भौतिक दुरिले केही फरक पार्दैन तिमी सँधै मेरो साथमै छौ अनि रहिरहने छौ यो जनम मात्र होईन हजारौ जुनि सम्मलाई ।

Note: It is just an imagination of the writer
Reactions:

2 comments:

Unknown said...

😍😍😍😍

Anonymous said...

HEHHEHEHE